Thursday 16 December 2010

മഞ്ഞുകാലത്തെ നേരമ്പോക്കുകള്‍

അടച്ചിട്ട ജനലുകലും
ഇരുണ്ട നിറങ്ങളുമായിരിക്കും
നമ്മുടെ മഞ്ഞുകാലത്തെ വീടിന്‌.
സിനിമകളിലേത് പോലെ
നമുക്കും ഒരു നെരിപ്പോടുണ്ടാകും.
വൈകുന്നേരങ്ങളിൽകുറെ കുപ്പായങ്ങളിട്ട്
നമ്മൾനീണ്ട യാത്രകൾക്ക് പോകും.
നടകുമ്പോൾ ആരും കാണാതെ നമ്മൾ ചുംബിക്കും.
പിന്നെ കൈകൾ കോർത്ത് നടന്നുകൊണ്ടേയിരിക്കും.
വീട്ടിൽ നമ്മൾ ഒരു നക്ഷത്രം തൂക്കും.
രാത്രിയായാൽ മദ്യപിച്ച് ലക്ക് കെടും.
വിരസമായ പകലുകളിൽ നമ്മൾ ഈറൻ മുറികളിൽ കാമിക്കും.
നീയെന്നിലും ഞാൻ നിന്നിലുമായി
നിറഞ്ഞൊഴുകുന്ന നിമിഷങ്ങളിൽ
നീ പാടും.
മഞ്ഞുകാലങ്ങളിൽ മാത്രം പാടാറുള്ള പാട്ടുകൾ.
മഞ്ഞുകാലം തീരുവോളവും
നമ്മുടെ നെരിപ്പോടെരിഞ്ഞുകൊണ്ടേയിരിക്കും
അതിനു കീഴിലാണ്‌
നമുക്ക് നമ്മൾ മാത്രമേയുള്ളുവെന്നും
ക്രിസ്മസ്സിനു ഇനി അധികം ദിവസങ്ങളില്ല എന്നും
നമുക്ക് വയസ്സേറി വരികയാണെന്നും
സന്തോഷത്തോടെയുള്ള നമ്മുടെ മഞ്ഞുകാലങ്ങൾ
എണ്ണപ്പെട്ടവയാണെന്നും
നമ്മൾ മനസ്സിലാക്കുക.
അവിടെയാണ്‌ നമ്മൾ
ഇനിയൊരിക്കലുമില്ലെന്ന പോലെ ചുംബിക്കുക.
നഗ്നരായി
തണുപ്പേറ്റ് മരിക്കുക.
ജീവിക്കുക.

1 comment: