നിന്റെ മുടിയിഴകള്‍ക്കിടയിലൂടെ
നക്ഷത്രങ്ങള്‍ കാണുമ്പോഴും
നിന്റെ മുലകള്‍ക്കിടയിലെ കുഞ്ഞുരോമങ്ങളിലൂടെ വിരലോടിക്കുമ്പോഴും
നിന്റെ രുചിയില്‍ മയങ്ങുമ്പോഴും
നീ മുടിയില്‍ ചൂടാറുള്ള പൂവുകള്‍
വഴിയരികില്‍ നിന്നു എന്നും പറിക്കുമ്പോഴും
നിന്റെ പൂച്ചക്കുട്ടികളുടെ മണങ്ങള്‍ ഓര്‍ത്തെടുത്തു സൂക്ഷിക്കുമ്പോഴും
പിന്നെ നിന്നെ മനസ്സില്‍ താലോലിച്ചു
നീണ്ട നീണ്ട യാത്രകള്‍ക്ക്
പോകുമ്പോഴും
ഞാന്‍ ഓര്‍ക്കാറുണ്ട് ; ചിലപ്പോഴൊക്കെ .
കണ്ണടകള്‍ വെച്ച
മുടി വശങ്ങളില്‍ ലേശം നരച്ച ,
കവിയായ നിന്റെ കാമുകനെ പറ്റി .
അയാളുടെ
എത് കവിതയിലാണ്
നിനക്കിക്കണ്ട സ്നേഹമത്രയും ഉണ്ടായതെന്ന് .
ഏത് ആകാശത്തിനും
പാട്ടിനുമിടയിലാണ്
നിങ്ങള്‍ കാമിക്കാറെന്ന് .
ഏത് പൂക്കള്‍ക്കിടയില്‍ ,
ഏത് മരത്തിനു ചുവട്ടില്‍ ?
No comments:
Post a Comment