Saturday 9 May 2009

ഞങ്ങടെ കാബിന്‍

ഞങ്ങടെ കാബിന്‍
ക്ലാസ്സ് മുറിയുടെ ഒരു കോണിലാണ്
ഞങ്ങള്‍ അവടെ ഒരു പൂച്ചക്കുഞ്ഞിനെ
ഒളിപ്പിചിരിക്ക്യയാണ്
ക്ലാസ്സ് മുറിയിലെ മറ്റു കുട്ടികള്‍
ജീവന്‍ വാര്‍ന്നു പോയ
ശരീരങ്ങളായിരിക്കുമ്പോള്‍്
ഞാനങ്ങള്‍ പൂച്ചക്കുഞ്ഞിനെപ്പറ്റി സംസാരിക്കാറുണ്ട്.
ഞങ്ങള്‍ ഇടയ്ക്കിടെ കണ്ണിറുക്കുന്നതും
കടലാസുകഷണങ്ങള്‍ കൈമാറുന്നതും
ചിരിക്കുന്നതും കാരണം
ഞങ്ങടെ ബെന്ച്ചുകള്‍
സദാ അനങ്ങാറുണ്ടു
അത് ഞങ്ങടെ ടീചര്മാരെ ചൊടിപ്പിക്കാറുണ്ട്
ഞങ്ങടെ കാബിനില്‍ പൂച്ചക്കുഞ്ഞിനെ കൂടാതെ
കുറച്ചു യന്ത്രങ്ങളുമുണ്ട്.
ഞങ്ങടെ പൂച്ചക്കുഞ്ഞു ഒരു പുലിയായി
പുറത്തുവരുമെന്നും
ജീവനില്ലാതവര്‍ക്ക് നേരെ അലറി
അവരെ തുരത്തുമെന്നും
ഞങ്ങള്ക്കറിയാമല്ലൊ.
അങ്ങനെ ഇച്ചിരിപ്പിടിയോളം പോന്ന ഒരു ക്ലാസ്സില്‍
ഇച്ചിരിപ്പിടിയോളം പോന്ന
ഞങ്ങടെ കാബിന്‍
ഒരിമ്മിണി വല്ല്യ രഹസ്യം കാക്കുകയാണ്
ഞങ്ങള്‍ കാത്തിരിക്കയാണ്

No comments:

Post a Comment