മരണലേഖനം

എന്റെ വീട്ടിലെ

ഇരുണ്ട മുറികളിലെ

അടച്ചിട്ട ജനലുകൾക്കും

വീർപ്പുമുട്ടിക്കുന്ന മെത്തവിരികൾക്കും

അവിടവിടെയായി തിങ്ങി നിൽക്കുന്ന ചില ഓർമകൾക്കും

മുകളിലാണ്‌ വിഷാദം കുടിയിരിക്കുന്നത്

അതാണ് ചില രാത്രികളിൽ സ്വപ്നമായി വന്ന്

എന്നെ ഭയപ്പെടുത്തുന്നതും,

പലപ്പോഴായി എന്നെ പഴിപറഞ്ഞ് കൊല്ലുന്നതും.

അതെ,

അങ്ങനെയിരിക്കുമ്പോൾ

മുറിയിലേയ്ക്ക് കടന്നു വരുന്ന നീല വെളിച്ചങ്ങൾക്കും

നനുത്ത സംഗീതത്തിനും

വരാനിരിക്കുന്ന

പല പ്രണയലേഖനങ്ങൾക്കും ഇടയിലാണ്‌

വിലകുറഞ്ഞ,

ദാരുണമായ എന്റെ മരണം